Komisioneri evropian për Zgjerim dhe Politikë Fqinjësore, Johanes Han pritet të paraqesë të mërkurën, pas një sesioni të jashtëzakonshëm të Komitetit për Politikë të Jashtme të Parlamentit Evropian, paketën e këtij viti të zgjerimit të BE-së.
Pas kësaj ai do të paraqesë të njëjtin dokument në Komisionin Evropian dhe për publikun.
KE thotë se ende nuk mund të konfirmojë zyrtarisht kur raport-progres për procesin e zgjerimit do të miratohet dhe publikohet.
Ai është dokumenti më i rëndësishëm për vendet në procesin e anëtarësimit në BE, në të cilën Komisioni vlerëson progresin, por edhe mangësitë në rrugën e euro-integrimit të gjashtë vendeve të Ballkanir Perëndimor dhe Turqisë.
Në bazë të këtij dokumenti, PE pritet të miratojë rezolutën e saj për vendet e Ballkanit Perëndimor dhe të vendosë për hapat e mëtejshëm në procesin e integrimit evropian të këtyre vendeve.
Sipas njoftimeve që janë dëgjuar në muajt e fundit nga zyrtarët evropianë, KE pritet të rekomandojë fillimin e bisedimeve të pranimit me Maqedoninë Veriore dhe Shqipërinë.
Fakti është se Paketa e Zgjerimit këtë vit përkoi me zgjedhjet evropiane, gjë që ndikoi shumë në punën dhe orarin e ngjarjeve në Bruksel, vërejnë disa media. /tesheshi.com/
