Komisioneri për Politikat e Zgjerimit i BE-së, Johannes Hahn do të qëndrojë sot dhe nesër në Beograd ku me presidentin serb, Aleksandër Vuçiç dhe kryeministren Ana Brnabiç do të diskutojnë reformat në Serbi, por edhe ngecjen e dialogut me Kosovën.
Mediat serbe thonë se Komisioneri Hahn do të takohet me presidentin dhe kryeministrin serbe në Beograd me të cilët do të diskutojnë “çështjet rajonale”
Hahn, i cili po qëndron i angazhuar në zhbllokimin e dialogut Beograd-Prishtinë, njoftoi se do të përpiqet përsëri në korrik të motivojë udhëheqësit e të dyja palëve që të kthehen në tryezën e bisedimeve.
Analistët thonë se tërheqja e Haradinaj pritet të hapë rrugë për heqjes së taksës dhe të normalizoj marrëdhëniet midis Beogradit dhe Prishtinës, gjë që përkthehet në perspektivë evropiane për të dyja vendet.
Ndërsa në Bruksel, gjatë shtatorit pritet një samit i organizuar nga presidenti francez Emmanuel Macron dhe Kancelarja gjermane Angela Merkel, me praninë e zyrtarëve dhe liderëve evropianë nga Ballkani Perëndimor.
Mbetet të shihet se kush do të përfaqësojë Kosovën në këtë samit, teksa vendi gjendet në një situatë të pa lakmueshme për shkak të mungesës së një qeverie të ligjshme pas dorëheqjes së Haradinajt. /tesheshi.com/
