Komisioneri i zgjerimit europian, Johannes Hahn tha të hënën se të gjitha prej gjashtë vendeve të Ballkanit Perëndimor kanë perspektivën e anëtarësimit në BE, por që nuk ka të ngjarë që ato t’i bashkohen Unionit në bllok.
Hahn ishte dhe ai në mëngjesin e punës në Vjenë, organizuar nga Kancelari Kurz me gjashtë kryeministra, ku më pas në një konferencë të përbashkët për shtyp theksoi rëndësinë e angazhimit për zgjerimin e BE-së me vendet e Ballkanit Perëndimor.
“Anëtarësim do të bëhet sipas meritës dhe nuk ka gjasa që të gjitha vendet e Ballkanit Perëndimor t’i bashkohen BE-së në të njëjtën kohë, por është e rëndësishme që ka një perspektivë të anëtarësimit për gjashtë vendet”, tha Hahn.
Hahn foli dhe për formimin e tregu ekonomik rajonal, duke thënë se ky do ishte hapi i parë në integrimin në një treg të vetëm evropian.
Është e rëndësishme për të rritur volumin e tregtisë brenda rajonit”, theksoi ai.
Hahn tha se në 10 vitet e fundit është dyfishuar tregtia ndërmjet BE-së dhe gjashtë vendeve të Ballkanit Perëndimor. /tesheshi.com/
