Pep Guardiola dhe Lionel Messi, fare lehtë mund të bashkohen sërish, por kësaj radhe në një skuadër tjetër, atë të Manchester City-t. Ish drejtori sportiv i Barcelonës, Txiki Begiristain, i cili tashmë atë funksion e kryen tek “qytetarët” ka përveshur mëngët për të kryer një operacion mjaft të vështirë.
Tekniku spanjoll Pep Guardiola, raportohet se tashmë është shumë pranë dakordësisë me
“cititzens”, që nga sezoni i radhës të marrë drejtimin e ekipit. Tashmë edhe zyrtarët e Bayern Mynih kanë filluar të mendojnë zëvendësuesin e Guardiola-s, që sipas të gjitha gjasave pritet të jetë trajneri italian, Carlo Ancelotti.
Ndërkohë, operacioni i Begiristain nuk ndalet me kaq. Ai do përkujdeset ta sjellë në Etihad Stadium, yllin argjentinas të Barcelonës, Lionel Messin. Për të joshur “topin e artë” në pritje, drejtuesit e Manchester City-t, kanë hapur kuletën e tyre, duke i ofruar 800,000 mijë funte në javë, që në total i bije 40 milionë euro në vit.
Një arsye më shumë për të ardhur në Angli, mund të jetë edhe ish tekniku i tij, Pep Guardiola, që mund të kryejë një rol të madh në transferimin e Messi-t në City./tesheshi.com/
