Ministria turke e tregtisë ka bërë me dije se grushti i shtetit i dështuar i ka kushtuar ekonomisë së vendit as më pak e as më shumë se plot 300 miliard lira (rreth 90 miliard euro).
Ministri për Doganat dhe Tregti, Bulent Tufenkci, ka thënë se kjo kosto mund të shkojë edhe më lartë, ndërsa ka vlerësuar se themelet e ekonomisë turke janë solide.
“Aeroplanët luftarak, helikopterët, armatimi, bombat, ndërtesat: të gjitha kanë kushtuar 300 milionë lira. Ndoshta edhe jam duke e zvogëluar këtë shumë”, ka thënë ai duke iu referuar shkatërrimeve të shkaktuara gjatë natës së grusht shtetit.
“Puçistët kanë bërë që Turqia të duket si vend i botës së tretë”, ka thënë ai me zemërim. /tesheshi.com/
