Zëra opozitarë vijojnë t’i mëshojnë një konspiracioni “me xhami”, në skenarin që sipas tyre çoi në incidentin me Berishën, ku një person e qëlloi me grusht.
Flamur Noka, një prej figurave më të diskutueshme të PD-së, përsa i përket nivelit të ulët të inteligjencës në debate publike e jo vetëm, tha në një studio televizive:
“A e dini ju që ai te xhamia e Urës së Tabakëve ka marrë porosi për atentatin?”.
E tha këtë, si zakonisht, pa asnjë fakt konkret apo bindës për të mbështetur ato çfarë thotë.
Paradoksi tjetër është se Noka quan militant Rilindjeje mjekun psikiatër që ka lëshuar raportin mjekësor për autorin Gerti Shehu.
“Që të lëshohet një dokument i tillë duhet të jetë një komision, mjeku duhet të hetohet”, tha Noka për emisionin “Now”.
Nga ana tjetër, mjeku Sadik Lala jo vetëm që s’ka lidhje me Rilindjen, por jep të kuptuar se është me prirje opozitare, edhe nga fakti se flet për Berishën me fjalë të zgjedhura, duke potencuar se e ka patur profesor në fakultet. Ai tha gjithashtu se mund te ishte në protestë nëse nuk do qe me një gjendje gripale.
Kujtojmë se më herët, Berisha tha për autorin: “Ai u paraqit se zbatoi porosinë e një vëllai mysliman. Është e regjistruar ku thotë se zbatoi porosinë e një vëllai”. /tesheshi.com/
