Udhëheqësit e katër vendeve të Evropës Qendrore do të takohen javën e ardhshme në Bratislavë, ku do të ftojnë Bashkimin Evropian që të ndërmarrë veprime kundër kompanive ushqimore që u shesin produkt të kualitetit të dobët vendeve të varfra anëtare të BE-së.
“Do të kërkojnë ndërmarrjen e veprimeve ligjore kundër një praktike të tillë, e cila poshtëron popullin dhe krijon dy kategori njerëzish”, tha kryeministri sllovak, Robert Fico në pag të samitit.
Ai shtoi se në Varshavë do të diskutohet rreth kësaj çështjeje nga krerët e Grupit të Vishegradit, i cili përbëhet nga Republika Çeke, Hungaria, Polonia dhe Sllovakia.
Shoqatat e konsumatorëve dhe disa qeveri janë ankuar se disa prodhues të ushqimit përdorin përbërës më të lirë për vendet e Evropës Qendrore dhe Lindore, për dallim nga produktet e njëjta të tregtuara në Gjermani dhe Austri.
Kjo praktikë aktualisht është lejuar, për shkak se BE-ja vetëm kërkon që në paketim mjaft të ceken të gjithë përbërësit.
Ministria e Bujqësisë allovake javën e kaluar paraqiti testet laboratorike të cilat tregojnë se gjysma e 22 produkteve të blera në Bratislavë, kryeqytetin e Sllovakisë, ndryshojnë në shije, pamje dhe cilësi nga të njëjtat produkte të blera në dy qytetet austriake përtej kufirit.
Ministri çek i Bujqësisë, Marian Jurecka, tha javën e kaluar se njerëzit janë të lodhur nga të qënit “shportë për plehëra e Evropës”, ndërsa kreu i Zyrës së kryeministrit hungarez, Viktor Orban i quajti standardet e dyfishta në cilësinë e produkteve ushqimore, si “skandalin më të madh të historisë së kohëve të fundit”.
Konsumatorët në Evropën Qendrore dhe Lindore kanë pranuar shumë shpejt brendet perëndimore pas rënies së komunizmit në vitin 1989. Ndërsa prodhuesit thonë se përbërja e produkteve ndryshon për të plotësuar shijet lokale. /tesheshi.com/
