Një fraksion i PKK-së, organizatës terroriste kurde që është në luftë të hapur me shtetin turk, ka marrë sot përsipër përgjegjësinë për shpërthimin e së martës në Bejazit të Stambollit.
TAK-u, Fajkonjtë e Lirisë së Kurdistanit, ka njoftuar përmes një deklarate në faqen e vet elektronike se sulmi ishte një shpërthim vetëvrasës, e se qe hakmarrje për operacionet ushtarake turke në juglindje të vendit, ku popullsia mbizotëruese është kurde.
Shpërthimi i mëngjesit të së martës në Veznexhiler u mori jetën 11 personave, duke plagosur gjithashtu 36 të tjerë.
I njëjti grup i ka marrë më herët përsipër dhe sulmet e përgjakshme në Ankara, që lanë të vdekur në shkurt dhe në mars dhjetëra persona.
Metodat dhe aksionet e TAK-ut çmohen të jenë më radikale dhe se të PKK-së, ndërsa pak dihet për të. /tesheshi.com/
