Kryetari i VMRO-DPMNE-së, Nikolla Gruevski në një intervistë për portalin pro-qeveritar “Republika” ka akuzuar rëndë njërin ndër biznesmenët më të mëdhenjë në botë, miliarderin George Soros. Sipas tij, Soros nëpërmjet organizatave të saja në Maqedoni është duke mbështetur një parti kriminale dhe të korruptuar, dedikuar kjo LSDM-së opozitare.
”Organizatat jo-qeveritare dhe të paguarit e Soros-it në Maqedoni flasin për demokraci dhe rend e liri, por ne e dimë se prej ku i kanë paratë e tyre për aktivitetet deri tani. Askush nga ta nuk i tregon paratë se prej ku inspirohen të na shajnë dhe nxijnë”, tha mes tjerash Gruevski.
Ai i bën thirrje Sorosit të vijë pak në Maqedoni dhe të sheh në realitet çka mendon populli dhe pastaj të vlerëson se a duhet t’i japë ata miliona një partie të tillë ose jo.
Por ky qëndrim i Gruevksit nuk përbën habi, kur dihet që ai përket frymës pro-Trumpiste. /tesheshi.com/
