VMRO-DPMNE edhe pas aferës së përgjimeve nuk ndalet duke kërkuar vota tek qytetarë të shteteve të tjera që janë regjistruar si maqedonas. Pas Shqipërisë, kësaj here Gruevski është drejtuar në Kosovë.
Portali “Dokaz” (Dëshmia) i është referuar burimeve të sigurta dhe informon se ekipe të Ministrisë së Jashtme, bashkë me funksionarë të VMRO-DPMNE dhe Todor Petrovin e Kongresit të Bashkuar Maqedonas, kanë qëndruar në Dragash për të regjistruar pjesëtarë të komunitetit të ashtuquajtur goran si shtetas të Maqedonisë.
Banorëve të Dragashit u janë shpërndarë kërkesa për të aplikuar për shtetësi të Maqedonisë, që më pas të jenë votues në zgjedhjet e ardhshme. Mësohet se para kërkesave, atyre u janë dhënë para.
Në zgjedhjet e klauara VRMO mori vota në zonën e Liqenasit në Korçë pranë Liqenit të Prespës ku jetojnë një komunitet maqedonas. Para pak ditësh u arrestua edhe kryetari i Bashkisë së Pustecit. /tesheshi.com/
