Familjarë të jetëhumburve në tragjedinë e Gërdecit, kryhen homazhe sot, në 13 vjetorin e ikjes së tyre nga kjo botë, si pasojë e një shpërthimi katastrofik.
Zamira Durda, një ndër personazhet në jetë simbol në jetë, gruaja që ka humbur djalin e saj Edison Durda 7-vjeçar, tha se drejtësia kurrë nuk u vendos. 
Ajo madje përmend një emër: Ledio Biankun, juristin e Strasburgut, i cili doli dhe krah Metës në mitingun presidencial të 2 marsit të një viti më parë
“Vetëm ma kanë përplasur surratit Gërdecin, të gjithë. Kanë qenë një bandë kriminale ata që e kanë bërë Gërdecin. E kam çuar në Gjykatën evropiane të Drejtave të Njeriut.
Është një gjyqtar, Ledo Bianku që ma pengon çështjen në Strasburg. Prej vitit 2009 nuk e kam një përgjigje”, tha Durda.
Sipas saj, as pushteti aktual s’po jep shenja drejtësie për Gërdecin, ndonëse thotë se e ka çuar çështjen në SPAK.
“Unë nga politika nuk pres asgjë, pres nga drejtësia. Edhe këta në pushtet nuk na afrohen. Kjo do të thotë që janë të gjithë njësoj. E përdorën politikisht Gërdecin”, thotë Zamira Durda.
