Një grua e apasionuar pas kafshëve, ka lënë trashëgim gjithë pasurinë e saj që kap shumën prej 1.2 milion dollarë për të ndihmuar macet dhe qentë në Tenesi.
Glenda Taylor DeLawder, e cila vdiq në nëntor të vitit 2015, la një “dhuratë të madhe dashurie” për strehimoren e kafshëve Elizabethto në Carter County.
Administratorët që janë përgjegjës për menaxhimin e pasurisë së saj, kanë ndarë para Krishtlindjes një shumë prej 540,000 dollarë për strehimoren e kafshëve.
Leon Humphrey, kryebashkiaku i qarkut Carter, tha se strehimorja ishte “me të vërtetë e bekuar dhe e nderuar për një dhuratë të tillë kaq të madhe”.
Ai shtoi se kjo ishte “një nga dhuratat më të mëdha private të dhëna ndonjëherë” qarkut nga qytetarët e saj.
“Familja e zonjës DeLawder kishte kërkuar nga unë që të ndaj me ju, se ajo i donte macet dhe qentë e saj kaq shumë dhe kishte kërkuar që dashuria dhe kujdesi i saj ndaj tyre të jetë dhuratë e saj të përjetshme”, tha kryetari i bashkisë në një deklaratë.
Ai shtoi se fondet do të përdoren për të zgjeruar strehimoren ku mbahen qentë dhe macet, si dhe për blerjen e një minibusi që do të shërbejë për transportin e tyre për nevoja të ndryshme./tesheshi.com/
