Libri që detajon grindjet sekrete pas së cilave janë marrë vendime kontroverse për caktimin e çmimeve Nobel për paqen përgjatë një çerek shekulli, po shkakton ilaritet në vendimmarrjen e vitit 2015.
Komiteti norvegjez që përbëhet nga pesë anëtarë, akuzon Geri Lundestad, ish-sekretarin e Komitetit se ka thyer kodin e heshtjes së panelit që merr vendimet. Lundestad, nëpunës prej 25 vjetësh në komitet, ka pohuar se libri që ai ka shkruar “Sekretari i Paqes” shkrin kufirin mes statutit 50-vjeçar të sekretit në Nobel dhe detyrës së tij “si një profesor historie”.
Libri e kulmon kriticizmin tek anëtari i Komitetit të çmimeve Nobel, ish-kryeministri norvegjez, Thorbjørn Jagland, dule aluduar se ai ka dhënë mesazhe për fituesit tek gazetarët dhe se fjalimet ia shkruar ai vetë. Jagland nga ana e tij, e ka akuzuar ish-sekretarin si shpifës.
Ndërsa libri pritet të publikohet brenda disa ditëve, Lundestad i është thënë se deri në fund të vitit duhet të lirojë zyrën në Institutin Nobel në Oslo.
Jagland i ka kujtuar gjithashtu ish-sekretarit, që doli në pension në fund të vitit të kaluar, se ai është një punonjës publik dhe jo “anëtar i gjashtë i komitetit”. Në një intervistë me AP-në, Lundestad nga ana e tij nuk i pranoi akuzat, e përsëriti se ish-kryeministri norvegjez nuk duhet të kishte qenë kurrë në panelin e ndarjes së çmimeve.
“Shqetësimi im është që ndarja duhet të jetë sa më e pavarur të jetë e mundur dhe unë jam me argumentin se kjo është shumë e vështirë nëse në komitet janë ish-kryeministra apo ministra të jashtëm”, tha Lundestad.
Zërat që qarkullojnë për ndarjen e çmimeve këtë vit, javën e ardhshme, fokusohen tek kancelarja gjermane, Angela Merkel, e cila mund të caktohet fituese për shkak të zotimit të saj për krizën e refugjatëve. Pas saj, në listë është edhe sekretari amerikan i Shtetit, John Kerry dhe homologu i tij, Mohammad Javad Zarfi për marrëveshjen bërthamore që nënshkruan së bashku. /tesheshi.com/
