Ministria e Jashtme greke ka dalë me një deklaratë ku shpreh shqetësim për prishjen e pritshme të disa shtëpive në Himarë, të cilat i konsideron si të minoritarëve grekë të atyshëm.
“Mbrojtja e të drejtave të pronës si dhe të drejtave të minoritetit përbën një pjesë e pandarë e pesë kushteve që ka vendosur BE për fillimin e negociatave integruese të Shqipërisë në familjen europiane…
Ndaj nëse Shqipëria dëshiron sinqerisht të integrohet në BE do të duhet të provojë me vepra se funksionon si shtet i së drejtës duke mbrojtur nga arbitrariteti dhe veprimet e paligjshme të drejtat e gjithë banorëve të saj pavarësisht prejardhjes së tyre kombëtare”, thuhet në deklaratë, ku shtohet se “është e papranueshme që kryebashkiaku Goro ka firmosur fletë-lajmërimet të cilat u janë dorëzuar pronarëve të shtëpive pikërisht në ditën e festës kombëtare të Greqisë.”
Shembja e shtëpive do të bëhet në funksion të një projekti për rikonceptimin urban të Himarës, mirëpo që ka gjetur kundërshti nga një komunitet i atyshëm që e shohin këtë si një “rrëmbim prone”. /tesheshi.com/
