Disa aktiviste për Barazi Gjinore sot kanë zhvilluar një aktivitet kundër kryeministrit Isa Mustafa, ndërsa ky i fundit kishte parashikuar që rreth orës 11:00, të vinte lule pranë Memorialit “Heroinat”.
Me pankartat në duar ‘Marshojmë nuk festojmë’, ‘O Isë kemi dalë me kullotë’, aktivistet lëshonin edhe blegërima delesh.
Ky reagim i grave kosovare vjen pasi kryeministri Isa Mustafa, më datë 20 shkurt, përmes rrjetit social Facebook i cilësoi gratë si kullosa.
“Ata që “frikësohen” se mos po e lëshojnë Kosovën pasi i ka lëshuar mendja, janë disa gra që i kanë kullotë të gjitha fondet e mundshme nga perëndimi, e mos po i braktisin burrat e tyre e po shkojnë në Kore të Veriut (sepse as Kuba nuk i pranon) apo disa OJQ-ista nacionalist ,mos po turren kah lindja”, pati shkruar Mustafa në Facebook. /tesheshi.com/
