Një deputet britanik ka dhënë dorëheqjen nga qeveria e Boris Johnson për shkak se ai “piu shumë”, sipas mediave britanike, në një tjetër skandal për kryeministrin.
Christopher Pincher, i cili ishte zëvendës i ngarkuar për disiplinën partiake, tha në letrën e tij të dorëheqjes se ai ende mbështet Johnson, por u detyrua të jepte dorëheqjen pas një “incidenti” të mërkurën, pa elaboruar se çfarë bëri.
“Kam pirë shumë mbrëmë. E turpërova veten dhe të tjerët, gjë që ishte gjëja e fundit që doja të bëja dhe për këtë kërkoj falje”, thuhet në letër. “Unë besoj se gjëja e duhur në këto rrethana është të jap dorëheqjen nga deputeti përgjegjës për disiplinën partiake”, shtoi ai.
Zyra e Pincher nuk komentoi mbi zhvillimet dhe Downing Street gjithashtu nuk pranoi të komentonte.
Pincher shtoi në letrën e tij se megjithëse po largohet nga qeveria, ai do të mbetet deputet dhe do të mbështesë Johnson nga bankat e pasme. /tesheshi.com/
