Rojet bregdetare italiane kënë shpëtuar afro 2,500 emigrantë, ditën e djeshme.
Mediat e vendit fqin bëjnë të ditur se emigrantët po përpiqeshin të kalonin nga Mesdheu në Evropë.
Shumica e 2,500 emigrantëve ishin shpëtuar në 18 operacione të ndara.
Organizata Mjekët pa Kufij tha se mbrëmë vonë, “është shpëtuar një gomone e mbushur me njerëz të tmerruar”.
Njëherësh, Roja bregdetare e Libisë dje ka kapur 906 migrantë në disa barka të drurit, afër qytetit perëndimor, Sabratha, ka njoftuar sot një zëdhënës.
Trafikantët e njerëzve e kanë shfrytëzuar kaosin në Libi, që nprej përmbysjes dhe vrasjes së diktatorit, Muammar Qaddafi, në vitin 2011, për ta zgjeruar aktivitetin e tyre ilegal, por fitmiprurës.
Libia është vendi i cili nisen më së shumti migrantë për të arritur në Evropë në rrugë detare.
Më shumë se 60 mijë emigrantë kanë kaluar rrugën nëpër Mesdheun qendror nga Libia për në Itali, këtë vit.
Rreth 1,800 njerëz kanë humbur jetën në përpjekje për ta kaluar Detin Mesdhe, prej fillimit të këtij viti, ka njoftuar Organizata Ndërkombëtare për Migrim./tesheshi.com/
