Federata Ndërkombëtare e Futbollit (FIFA) po përgatit një fond për të ndihmuar anëtarët e tij të prekur nga kriza financiare e shkaktuar nga pandemia globale e koronvirusit, konfirmoi një zëdhënës i FIFA-s.
“Komuniteti i futbollit në të gjithë botën, në një masë më të madhe ose më të vogël, po përballet me probleme serioze financiare të shkaktuara nga përhapja e koronavirusit”, tha ai.
“FIFA është e fortë financiarisht dhe është detyra jonë të bëjmë gjithçka që është e mundur për të ndihmuar ata që kanë nevojë,” shtoi më tej zëdhënësi.
Sipas New York Times, Federata Ndërkombëtare e Futbollit ka 2.7 miliard dollarë rezervë.
“Ne mund të konfirmojmë se FIFA po punon në planet për të ndihmuar komunitetin e futbollit në botë, pas një studimi të gjerë të ndikimit financiar të pandemisë në futboll,” tha FIFA.
Sidoqoftë, ata nuk specifikuan se sa fonde do të ishin në dispozicion të atyre që do të aplikonin për ta. /tesheshi.com/
