Vetëm pak orë më parë ka ardhur fitorja e tretë radhazi e Golden State Warriors në finalet e NBA-it, më dramatikja prej tyre.
Në fushën e Cleveland Cavaliers, gjithçka dukej se po shkonte mirë për vendasit, derisa lojtarët e Golden State-it shpërthyen në fund me 11 pikë të shënuara, duke i mbërthyer shifrat në 113-118.
Në një garë spektakolare, Kevin Durant qe shënuesi më i mirë për udhëtuesit, me 31 pikë, me ca prej koshave të tij vendimtarë në fundin e lojës.
LeBron James shënoi 39 pikë, e Irving 38 pikë, por Cleveland nuk ia doli të fitonte.
Dy ditë më pas, Golden State Warriors do të ketë mundësinë të bëhet ekipi i parë në NBA që e fiton titullin pa pësuar asnjë humbje në playoff.
Përndryshe, asnjë ekip nuk ka mundur deri më sot ta përmbysë në finale një seri prej tre humbjesh, 3-0; një statistikë shkurajuese për Cleveland-in.
Në anën tjetër, Cleveland Cavaliers bëri historinë sezonin e shkuar, kur nga 3-1 në ndeshjet e finaleve përmbysi gjithçka, për ta fituar trofeun teksa e çoi serinë në 4-3. /tesheshi.com/
