“Jam i keqardhur që një pjesë e deputetëve, dhe posaçërisht deputetët e Komisionit të Financve dhe Ekonomisë janë kthyer në një shenjestër e një sulmi vulgar mesazhesh të orkestruara nga burgu 313”, tha kryeministri Rama, duke folur në parlament në lidhje me vendimin qeveritar për mbylljen përfundimtare të kazinove dhe pikave të basteve më 1 janar.
“Shpifje si ajo e monopolit online të mbajnë për vete turpin e përfaqësimit të këtij llumi. Ne dimë më tepër se kaq për këtë ofensivë dhe lidhjet e atyre që shkojnë në banak më banak për të kundërshtuar në mënyrë hipokrite dhe hileqare duke e fokusuar sulmin tek një monopol online, por në fakt janë të lidhur drejtëpërdrejtë me interesat që kulmojnë në qelitë e burgut të sigurisë së lartë në Tiranë”, shtoi shefi i qeverisë. /tesheshi.com/
