Deputeti nga radhët e Lëvizjes Vetëvendosje Glauk Konjufca, i cili ishte i ftuar në emisionin Rrokum Rroll të Televizionit Rrokum, ka folur për protestën e paralajmëruar të opozitës, etapat e saj, për SHIK dhe për ‘Zajednicen’.
Ai ka thënë se Qeveria nuk po e sjell në Kuvend ‘Zajednicen’, sepse Kuvendi nuk e voton, sepse kjo marrëveshje jo që nuk është funksionale, por është edhe shumë e dëmshme. Marrëveshjet e Brukselit e dëmtojnë shume seriozisht gjendjen në Kosovë.
“Zajednica është një bombë me sahat, ku telekomandën e ka Serbia”, ka alarmuar Konjufca.
“Ata që kanë me punuar në Zajednicë, kanë me për të punuar më shumë për të fituar pavarësinë.”
I pyetur për protestat e paralajmëruar të opozitës, Glauk Konjufca ka deklaruar se kemi filluar dalëngadalë me protestën, duke zhvilluar në tri etapa.
Etapa e pare: Organizimi i tribunave neper qytetet më të mëdha të Kosovës. E fundit ishte në Ferizaj. Tribuna është organizuar për të ja shpjeguar qytetareve se çka është ‘Zajednica’, edhe me pamje vizuale duke treguar hartën, sepse kjo është më e qartë për qytetaret.
Etapa e dyte: Peticioni. Besoj se kemi marrë me qindra mija nënshkrime, sepse qytetarët janë të pakënaqur me këto vendimet e kohëve të fundit. Peticioni kemi më ja dorëzuar Qeverisë, Kryeministrit, po ashtu edhe Presidentes, për të reflektuar më shumë.
Etapa e trete: Daljet në sheshe, sepse qytetaret lodhen nga mosdëgjimi i fjalëve të tyre, kështu çdokush ka me e shpreh shqetësimin e vet.
Ai po ashtu ka thënë se Hashim Thaçi është shantazhuar me Gjykatën Speciale, sepse është njëri prej të dyshuarve. Ndërsa për Isa Mustafën ka thënë se është i zhytur në korrupsion që sipas tij ai ka 70 lëndë në gjyq.
Më tej ai ka shtuar se përmes protestave do ta dërgojmë në shpi këtë Qeveri.
Në fund ai ka thënë se ka mbledhur 39 nënshkrime për ta hetuar SHIK-un, por asnjë nënshkrim nga LDK, sepse kjo parti nuk jep nënshkrime për këtë gjë.
“Jam i sigurt që ata krejt dallaveret i bëjnë me SHIK-un, dhe me siguri kur të hetohet SHIK-u, kanë me dalë edhe shumë pjesëtarë të LDK-s,” ka deklaruar Konjufca./tesheshi.com/
