Një lajm i bujshëm po qarkullon këto orë në mjediset e gjyqësorit në vend.
Të hënën pritet një dorëzim dorëheqjesh kolektive nga ana e gjyqtarëve në Shqipëri, të cilët nuk pranojnë të hyjnë në procesin e vettingut.
Siç mësohet, të shtunët do të mblidhet Shoqata e Gjyqtarëve ku do të merret vendimi ekstrem dhe do t’u bëhet thirrje gjyqtarëve që të largohen kolektivisht nga sistemi për protestë ndaj vettingut.
Gjyqtarët pritet të cilësojnë si proces të parregullt dhe denigrues të rivlerësimit që po bëhet nga komisionet e vettingut por edhe Operacioni Ndërkombëtar i Monitorimit.
Sipas gjasave, nëse merret vendimi ekstrem, atëherë do të duhet të mblidhet menjëherë Këshilli i Lartë i Drejtësisë nën drejtimin e Presidentit të Republikës, Ilir Meta.
Nëse ndodh dorëheqja kolektive, atëherë gjyqësori do të paralizohej totalisht. /tesheshi.com/
