Demokratët e Dhomës së Përfaqësuesve, të cilët po akuzojnë ish-Presidentin Donald Trump në Senat, treguan një video të papublikuar më parë të dhunës nga disa mbështetës të Trump-it gjatë sulmit në Capitol Hill, duke treguar Presidenten e Dhomës Nancy Pelosi dhe ish-Zv.Presidentin e atëhershëm. Për këtë të fundit, lëshohej thirrja për varje.
Pamjet tregojnë përplasje midis protestuesve dhe policisë rreth 30 metra nga dhoma ku Pence u strehua me familjen e tij, ku një pjesë e të dyndurve thirrnin për varje, shkruan Reuters.
Videot i referohen kohës rreth orës 1 të pasdites në 6 janar, kur grupi i parë i mbështetësve të Trump-it u shfaq para kompleksit Capitol Hill dhe më vonë hynë me forcë në ndërtesë, deri në momentin kur përfundoi rrethimi.
Stacey Plaskett, një nga iniciueset e shkarkimit, theksoi gjatë gjyqit të Trump-it që pjesëmarrësit në tubimin “Save America” nuk u lejuan të marshonin në Capitol Hill derisa, siç tha ajo, ish-presidenti ndërhyri, sipas Zërit të Amerikës.
Kongresmeni i Maryland-it Jamie Raskin, demokrati kryesor që paraqet argumentet e shkarkimit, njoftoi për pamjet e reja shqetësuese të dhunës në Kapitol dhe paralajmëroi në mënyrë specifike prindërit dhe mësuesit për përmbajtjen e tyre.
Raskin tha se provat do të tregonin se Trump nuk ishte një i pafajshëm, por si komandant i përgjithshëm u bë nxitësi kryesor dhe se veprimet e tij mund të prishin transferimin paqësor të pushtetit, për herë të parë në histori.
Kongresmeni demokrat iu referua një serie cicërimesh dhe deklaratash të Trump-it të lëshuara para rrethimit, duke përfshirë një thirrje për mbështetësit në ditën e trazirave për të “luftuar ferrin sepse përndryshe ata nuk do të kenë tokë”.
Raskin theksoi se provat do të tregonin se Trump ishte paralajmëruar se mbështetësit e tij mund të sulmonin Capitol-in, se ai nuk ishte aspak i befasuar nga dhuna dhe se ai bëri një krim të madh kundër Kushtetutës dhe njerëzve, dhe se ishte përgjegjës për “shkeljen më të madhe të betimit presidencial” në historinë e Amerikës.
Demokratët në mënyrë metodike po përpiqen të provojnë se sulmi ndaj Capitol-it nuk ishte një incident i izoluar dhe spontan pas një fjalimi, por që pretendimet e Trump-it për mashtrim në zgjedhjet e nëntorit, të cilat ai u bëri mbështetësve të tij për muaj me radhë, hodhën bazat për atë që ndodhi më 6 janar. /tesheshi.com/
