Në gjyqin pas padisë së Taulant Ballës “për shpifje”, kryedemokrati Basha përfaqsohej nga dy avokatë, njehërsh figura të PD-së me profil jurisiti, Ivi Kaso dhe Gazmend Bardhi. Ky i fundit dha një shpjegim politik në lidhje me mungesën e vet klientit të tij në gjykatë, pra Lulzim Bashës, idelogjikisht majtist.
“Jemi në një gjykim të thirrur nga viktima Taulant Balla për një hall të tij personal. Sigurisht që Basha përfaqësohej prej avokatëve të tij për shkak se është 24 orë në 24 në shërbim të halleve dhe problemeve të njerëzve, ndërsa Balla siç e shikoni shëtit për hallet e veta nga një derë gjykate në një derë prokurorie, do ta shikoni shumë shpejt edhe në gjykata e prokurori të tjera.
Sot ishte një seancë e thjeshtë pajtimi ku ne shprehëm qëndrimin tonë, që i qëndrojmë të gjitha deklaratave dhe se nuk kemi asgjë për t’u pajtuar me viktimën”, tha Bardhi.
Më herët, Balla tha se “…ju e dini që Basha ka fobi nga këto godinat dhe nuk e di që do të paraqitet, pavarësisht se burrërisht duhet të vijë të përballet”. /tesheshi.com/
