Policia në Paris ka arrestuar një 16-vjeçar maroken, i cili, sipas asaj çfarë thuhet zyrtarisht, u përpoq të rrëmbente një aeroplan në rolin e një piloti. Sigurimi e gjeti djalin në kabinë, me kufje në veshët e tij, duke provuar të lëshonte aeroplanin.
Ky incident i çuditshëm ndodhi në qershor, por publiku ka mësuar për të vetëm pasi adoleshenti përfundoi në gjyq.
Sipas LeParisien, i riu akuzohet për vjedhje të mbetur në tentativë të një Airbus A321.
Djali mbërriti nga Maroku dy vjet më parë, duke jetuar tërë kohën në qytetet franceze si një i pastrehë. Siç deklaroi gjatë seancës, ai u përpoq të rrëmbejë aeroplanin vetëm për t’u kthyer në shtëpi, pasi kishte pasur një jetë të vështirë në Francë.
Menaxhimi i aeroportit dhe shërbimet e sigurisë ende nuk i ofruan mediave një përgjigje në pyetjen se si është e mundur që një adoleshent të hyjë në kabinën e një avioni pa u vënë re dhe të kalojë kohë të mjaftueshme atje për të ndezur më shumë se gjysmën e pultit dhe gati të nisë aeroplanin.
Sipas informacioneve jozyrtare, i riu kaloi gardhin rreth aeroportit dhe eci pa u vënë re nëpër pistë, gjatë gjithë rrugës për në aeroplan. Po ashtu, nuk u bë e ditur se si ai arriti të ngjitej te shkallët, të futej në aeroplan dhe më pas në kabinë, e cila mendohet se ishte e bllokuar.
Më pas, një nga teknikët e aeroportit e vuri re duke parë dritën në kabinë, por dhe kjo e çuditshme.
“Meqenëse motorët nuk ishin ndezur, asgjë në aeroplan nuk lejohej të ndizej. Megjithatë, tekniku u fut në aeroplan dhe gjeti djalin në sediljen e pilotit”, tha një burim.
Ai menjëherë thirri policinë që erdhi në vendngjarje dhe arrestoi marokenin, i cili dyshohet se ishte nën ndikimin e substancave psikoaktive.
Avokati mbrojtës kërkoi që të gjitha akuzat ndaj klientit të tij të rrëzoheshin sepse, siç tha, ai nuk mund ta rrëmbente aeroplanin gjersa nuk dinte ta pilotonte atë.
“Atij i duhen të paktën disa njohuri për të qenë në gjendje të lëshojnë aeroplanin. Por ai nuk e ka atë njohuri”, tha avokati mbrojtës.
I riu ndërkohë bëri gjeste të turpshme para policëve në gjyjatë, si dhe pështyu prokurorin. Për shkak të gjithë kësaj, avokati mbrojtës pretendon se i riu nuk është në gjendje të mirë mendore. /tesheshi.com/
