Shefi i policisë së Katalonjës, Josep Lluis Trapero, është paraqitur para gjykatës në Madrid, si i dyshuar për kryengritje kundër shtetit.
Skuadra e tij policore “Mossos d’Esquadra” akuzohet se nuk ka mbrojtur policinë kombëtare spanjolle nga protestuesit përpara referendumit të pavarësisë së 1 tetorit.
Një oficer tjetër dhe dy aktivistë të protestës, gjithashtu janë marrë në pyetje, si të dyshuar.
Votimi në Katalonjë i mbajtur të dielën u shpall i paligjshëm, sipas ligjit spanjoll.
Seanca po zhvillohet në gjykatën kombëtare penale në Madrid. Të pandehurit akuzohen se nuk kanë ndihmuar policinë civile kundrejt mijëra protestuesve pro pavarësisë në Barcelonë më 20 shtator. /tesheshi.com/
