Në pritje gë daljes para gjykatës për masën e arrestit, gjykatëses së Krujës Enkeleja Hoxha i ka dalë në mbrojtje e bija minorene. Sipas saj, mamaja mund të ketë qenë e detyruar të marrë vendimet për të cilat akuzohet.
“Ka 16 vjet në Krujë, nuk ka në pronësi asnjë makinë e shtëpi. Media po i dëmton imazhin Mami është shumë e ndershme dhe e pastër, ka pasur një arsye të fortë për t’i liruar ato. Mund të jetë detyruar për të liruar kriminelët. Mami nuk më ka shprehur shqetësimin, por kam arritur në konkluzionin se ka qenë e detyruar”, tha e bija, në pritje të shohë të ëmën pas hekurave.
Kujtojmë se ditë më parë, me urdhër të SPAK, pas muajsh hetime, u arrestuan një sërë zyrtarësh të Gjykatës së Krujës, mes tyre dhe gjykëtasja e njohur Enkelejda Hoxha, nën akuzat për korrupsion dhe lirim abuziv të figurave të krimit. /tesheshi.com/
