Vjedhja e një sasie të vogël ushqimi nuk është vepër penale, nëse vërtetë keni nevojë të madhe për të. Kështu ka vendosur Gjykata Supreme në Itali pas ballafaqimit me rastin e një ukrainasi që jetonte në Xhenova.
Në vitin 2011, Roman Ostriakov i cili jetonte në kushte mjaft të rënda, u kap në një supermarket duke vjedhur djath dhe salçiçe në një vlerë prej 4 euro.
U shpall fajtor për vjedhje, u dënua me 6 muaj burgim dhe pagoi 100 euro dënim.
Por prokurori i shtetit u ankua në këtë vendim. Ai, në bazë të disa detajeve argumentoi se si Ostriakov fillimisht nuk duhej të dënohet për vjedhje por për tentim vjedhjeje, ngase sipas tij ai ishte kapur në flagrancë para se të largohet nga hapësira e supermarketit.
Dhe Gjykata Supreme italiane e anuloi vendimin, duke e argumentuar se: “Kushtet e të akuzuarit dhe gjendja e cila ka shtyer atë të kryejë vjedhjen, tregojnë se ai e ka marrë atë sasi të vogël të ushqimit për të përmbushur nevojën e tij elementare për ushqim”.
Kështu pa është thënë në aktvendimin e Gjykatës Supreme italiane lidhur me rastin e ukraniasit të vobektë, por që mund të shndërrohet në precedent për sa e sa të urritur që enden rrugëve të këtij vendi…në kërkim të një krodheje bukë. /tesheshi.com/
