Nga Mensur Krasniqi
Edhe një herë, Gjykata e Shkupit dëshmoi politizimin e saj duke mos pasur guxim të shqiptojë masën e paraburgimit për Ismet Gurin, funksionar i lartë i Bashkimit Demokratik për Integrim si i dyshuar për manipulime zgjedhore në vitin 2013, kërkesë kjo e Prokurorisë Speciale, në kuadër të operacionit “Titanik”. Në vend të paraburgimit, gjykata në fjalë vendosi një masë tjetër, atë që i diktojnë Gurit të mos komunikojë me persona të caktuar.
“Sot u morr në pyetje personi I.G për të cilin ishte sjellë propozimi për caktimin e masës së paraburgimit. Pas dëgjimit të tij në prezencë të avokatit, gjykatësi i procedurës paraprake solli vendim me të cilën refuzohet propozimi për caktimin e masës së paraburgimit dhe i caktoi masa për përkujdesje, gjegjësisht Ndalimin për afrimin ose vendosjen e kontaktit, gjegjësisht mbajtjen e kontakteve ose lidhjeve me persona të caktuar”, u njoftua kështu nga Gjykata Themelore Shkupi 1.
Për momentin, nga ana e gjykatësit është marrë në pyetje edhe ish-ministrja e Punëve të Bredshme, Gordana Jankullovska, gjithashtu e dyshuar për manipulimet e shënuara gjatë zgjedhjeve të vitit 2013.
Sipas informacioneve jozyrtare, jashtë shtetit akoma mbetet sekretari i përgjithshëm i qeverisë, Kirill Bozhinovski.
Para Gjykatës Penale me kërkesë të Prokurorisë Speciale deri tani kanë dalë Mile Janakievski, ish-ministër i Transportit dhe Lidhjeve, Edmond Temelko, kryetar i Komunës së Liqenasit të Shqipërisë, si dhe dy persona të tjerë emrat e të cilëve nuk janë kumtuar. Por për asnjërin deri tani nuk është miratuar kërkesa e Speciales për paraburgim.
Ndërkohë, kjo prokurori ka paralajmëruar se do të ankimojë këto vendime të gjykatës, meqë kërkon me çdo kusht paraburgimin e tyre. /tesheshi.com/
