Gjykata Kushtetuese Federale e Gjermanisë anuloi të premten një ndalesë të përgjithshme për mësueset që mbanin shami koke në shkollë, duke u shprehur se ndalesa mund të imponohet vetëm në rrethana të caktuara.
Ajo vendosi që mësueseve muslimane mund t’u mohohet mbajtja e shamisë së kokës vetëm kur ka një “rrezik konkret” për mjedisin e shkollës, apo kur është minuar neutraliteti i shtetit.
Kjo gjykatë rishikoi dispozitën e saj të mëparshme të vitit 2003, që u impononte mësueseve muslimane një ndalim të përgjithshëm të mbajtjes së shamisë së kokës, duke argumentuar se dispozita cenonte parimin e asnjanësisë së shtetit.
Rishikimi i dispozitës së mëhershme erdhi pas një apeli të bërë nga dy mësuese muslimane, dhe gjykata arriti në përfundimin se një interpretim abstrakt i një kërcënimi ndaj neutralitetit të shtetit nuk do të qe i mjaftueshëm për të imponuar një ndalim të përgjithshëm të shamisë së kokës.
Vendimi u mirëprit nga bashkësia muslimane e Gjermanisë, duke e parë atë si një hap në drejtimin e duhur.
Tetë prej 16 landeve në Gjermani kanë miratuar ligje që i ndalojnë mësueset të mbajnë shami koke në shkolla. Por Gjermania nuk ka ligj që i ndalon studentet muslimane të mbajnë shami koke në shkollë të mesme apo në universitet./tesheshi.com/
