Organi më i lartë administrativ i Francës është duke studiuar nëse ndalesa mbi burkinin – kostum larje që mbulon gjithë trupin – është ligjore apo jo, në kohën kur janë rritur shqetësimet në lidhje me detyrimin e zhveshjes së gruas muslimane nga ana e policisë franceze, rast ky që ndodhi më herët këtë javë.
Imazhet e policisë me uniformë të cilët kërkojnë nga një grua që të heqë tunikën e saj dhe raportimet e mediave për incidente të ngjashme, kanë shkaktuar tronditje dhe zemërim në internet gjatë kësaj jave.
Disa qytete në Francën sekulare kanë ndaluar bartjen e burkinit gjatë kësaj vere, por disa kanë shprehur drojën se ky vendim do të përkeqësojë tensionet fetare.
Grupet për të drejtat e njeriut thonë se ndalimet janë diskriminuese dhe kanë shtruar ankesë para Këshillit të Shtetit, i cili pritet të mbajë një seancë të enjten. Vendimi nëse do të anulohet ndalimi i burkinit pritet të merret brenda 48 orëve. /tesheshi.com/
