Gjykata më e lartë e BE njoftoi sot se Polonia, Hungaria dhe Republika Çeke kanë shkelur ligjin e Unionit duke refuzuar të pranojnë një pjesë të caktuar të refugjatëve, ku qëllimi ka qenë lehtësimi i vendeve të tilla si Greqia.
Gjykata e Drejtësisë e BE-së, me qendër në Luksemburg, tha se çështja kishte dëmtuar unitetin e bllokut.
“Duke refuzuar të zbatojnë mekanizmin e transferimit të përkohshëm për personat që kanë bërë kërkesë për mbrojtje ndërkombëtare, Polonia, Hungaria dhe Republika Çeke nuk kanë përmbushur detyrimet e tyre sipas ligjit të BE-së”, thuhet në vendim.
Komisioni Evropian i paditi këto tre vende në 2017 për mosrespektimin e vendimit të 2015 për pranimin e refugjatëve të vendosur në Itali dhe Greqi nga anëtarët e Unionit.
Tre vendet e akuzuara ishin ndër kritikët më të mëdhenj të këtij vendimi të BE-së.
Sistemi i kuotave kombëtare për pritjen e refugjatëve ka marrë mbështetjen e gjykatës më të lartë të BE-së në një gjykim të veçantë për vitin 2017. Gjykata më pas hodhi poshtë nismën e kryeministrit hungarez Viktor Orban për të rrëzuar vendimin e kuotës. /tesheshi.com/
