Gjykata Administrative vendosi sot pezullimin e testimimin për infemierët, deri në një vendim të dytë pas shqyrtimit të cështjes. Ndërohë, pas vendimit të gjyqtares Alkelina Gazidede, i menjëhershëm ka qenë reagimi i Ministrisë së Shëndetësisë, sipas së cilës, gjykata vendosi pezullimin e testimit të së shtunës dhe jo të githë procesin. Zyra e shtypit e Ministrisë së Shëndetësisë ka njoftuar se pezullimi i testimit nuk është përfundimtar pasi gjykata ka marrë një vendim që të pezullojë përkohësisht testimin deri në shqyrtimin e plotë të çështjes deri në themelet e saj. Padia për testimin e infermirëve u ngrit ditën e enjte nga Urdhri i Infermierët, pasi sipas këtij urdhri ishte i panevojshëm dhe jashtë të gjitha të drejtave që kanë infermierët.
Protesta e bluzave të bardha vijoi ndërkohë para kryeministrisë ku mjekët apeluan për ta bojkotuar testimin. Nga ana tjetër, ministri i Shëndetësisë Ilir Beqja, në fjalën e tij gjatë një aktiviteti paraditen e sotme, la të kuptohet se nuk do tërhiqet përsa kohë testimi nuk cënon as pagën dhe as vendin e punës të vetë mjekëve.
Kreu i Urdhrit të Infermirëve, Sabri Skënderi , tha se “sapo është mbyllur seanca gjyqësore ku u gjykua aktpadia që kishte ngritur urdhri i infermierit, për pezullimin e aktit normativ të Ministrit të Shëndetësisë për zhvillimin e testimit dhe më pas gjykimin e cështjes në themel. Gjykata vendosi pezullimin e urdhrit të ministrit që për ne përkthehet pezullim të testimit sepse testimi mbi bazë të urdhrit të ministrit do zhvillohej dhe pas gjykimit të çështjes në themel do të ketë nëj vendimmarrje tjetër”. Skënderi tha se nëse do të jetë një pezullim i përkohëshëm apo jo, kjo do të varet nga vendimet që do të merren me vonë nga gjykata. Pavarësisht vendimit për pezulimin e testimit, infermierët, sipas tij, nuk duhet të flenë mbi dafina por duhet të punojnë për të rritur cilësinë e shërbimit ndaj pacientit. “Infermierët do të qëndorjnë në krye të punës së tyre, do të bëjnë shërbimin e tyre dhe do të ngrihen nga ana profesionale për të rritur detyrën e tyre. Ne do ti shkojmë deri në fund mbrojtjes së të drejtës së tyre. Ne do t’ja lëmë kohës, gjykimit dhe do të vendosim sipas vendimmarrjes, por infermierët kanë për detyrë të rrisin shërbimin me profesionalizimin, kjo është mënyra më e mirë për ta. Ne do të marrim pjësë në seancat gjyqësore por hapi më i mirë do të jetë forcimi i punës për rritjen e nivelit për kujdesin ndaj pacientit. Me këtë vendim Infermierët duhet të jenë më të qetë, por nuk duhet të flënë mbi dafina duhet të punojnë më shumë për rritjen e nivelit profesional, sepse provim mbase nuk do ketë por do të ketë vlerësim të punës të tyre më i mirë është ai i pacientit dhe aty ku ka pakënaqësi ai infermier nuk është në vendin e duhur”, tha Skënderi.
