Me duar të lidhura prapa e i rrethuar me forca të shumta të policisë së Kosovës, Marko Gjuriç është shoqëruar në stacionin policor “Qendra” në Prishtinë.
Policia përdori edhe gaz lotsjellës në aksionin e arrestimit të Gjuriçit pasi përfundoi një tryezë në Veri ku të pranishëm ishin edhe ministrat serb të qeverisë së Kosovës.
Në fotot e shprëndara nëpër media të ndryshme shihen qytetarë të shumtë të cilët dalin nga objekti ku ishte duke qëndruar Gjuriç.
Për ngjarjet e fundit ka reaguar ministri i Punëve të Brendshme, Flamur Sefaj i cili ka thënë se policia ka përmbyllur në mënyrë profesionale planin operacional për ndalimin e hyrjes së zyrtarëve serb në Kosovë të cilëve nga Prishtina zyrtare nuk iu është dhënë leja për të hyrë.
Ndërkohë, qindra qytetarët serbë janë mbledhur tek ura kryesore e lumit Ibër në veri të Mitrovicës dhe po protestojnë, pas arrestimit të Gjuriçit. Protestuesit po gjuajnë me gjësende në drejtim të urës në jug dhe po brohorasin të revoltuar. /tesheshi.com/
