Drejtori i të ashtuquajturës zyrë për Kosovën në Qeverinë e Serbisë, Marko Gjuriç ka hyrë në territorin e Republikës së Kosovës. Ai tashmë ka arritur në Zubin Potok ku është duke mbajtur një fjalim para të pranishmëve. Aty janë edhe përfaqësues nga Lista Serbe, si dhe kryetari i veriut të Mitrovicës, Goran Rakiç.
Mediat lokale atje kanë raportuar se Gjuriç është pritur me duartrokitje nga njerëzit aty. Në bazë të asaj që raportohet, afër 100 persona janë mbledhur në vendin ku Gjuriç është duke mbajtur fjalim.
Në Zubin Potok, situata është duke u monitoruar nga afër nga Policia e Kosovës dhe KFOR-i, dhe autoritetet kanë bërë të ditur se Gjuriç do të jetë gjatë gjithë kohës nën monitorim.
Po ashtu, nga ministria e Punëve të Jashtme kanë paralajmëruar, se nëse Gjuriç nuk i përmbahet agjendës së përcaktuar nga leja e dhënë.
Serbët e veriut nuk po i shqiten planit për të inskenuar një katastrofë humanitare në këtë pjesë të vendit, duke pretenduar se nga fillimi i muajit korrik, do të mbyllen furrat, dyqanet, barnatoret, kioskat dhe të gjitha tregjet për konsumatorë. Në këtë valle është futur edhe Gjuriç, i cili mund të arrestohet si vitin e kaluar po që se del nga “kornizat e vizitës”. /tesheshi.com/
