Ka nisur me një gjuhë të ashpër seanca për konstituimin e Kuvendit në Maqedoni. Veçohet këtu fjalimi i deputetit të VMRO-së, Ilija Dimovski, i cili i la pa fjalë ish-kolegët e koalicionit, deputetët e BDI-së, kur iu drejtua atyre duke iu thënë: “Kush ua dha të drejtën juve dhe kryetarit tuaj Ahmeti të caktoni se kush është fitues?”, pyeti Dimovski deputetin e BDI-së, Xhevat Ademi pas diskutimit të këtij të fundit.
Duke pasur parasysh se kjo seancë po zhvillohet me fjalime dhe replikime nga ana e deputetëve të partive të ndryshme, pritet që ajo të përfundojë tek në orët e vona dhe të shënojë raste të pazakonta të replikave mes palëve.
Sot pritet të zgjidhet kreu i ri i Kuvendit, ku emri më i përfolur është ai i Talat Xhaferit, një prej eksponentëve të BD-së, të cilin LSDM e ka miratuar deri tani me heshtje. Nëse ndodh kjo, atëherë do kishim të bënim me një rast historik ku një shqiptar vihet në krye të parlamentit maqedonas, që kur ku vend është njohur si shtet.
Sfidë tjetër e madhe më pas është formimi i qeverisë, ku mundet që të anashkalohet Presidenti për ta zgjidhur vetëm me anë të parlamentit formimin e kabinetit të ri me kryeministër Zoran Zaev. /tesheshi.com/
