Portali rus Sputnik ka publikuar një shkrim me sarkazëm të rëndë ku tallet me të ndjerin, ish-presidentin Ibrahim Rugova, duke marrw shkas nga një deklaratë e një drejtuesi lokal të LDK-së.
Ja ç’shkruan Sputnik:
“Një prej zyrtarëve të lartë të Lidhjes Demokratike të Kosovës, Haki Borovci pasi vizitoi varrin e themeluesit të partisw, Ibrahim Rugovën e ‘informoi atë në lidhje me çështje të caktuara’, pas së cilës anëtarëve të partisw u ka raportuar se ‘presidenti ishte i lumtur’.
Nëse iu referohemi mediave kosovare, sesioni i degës në Prishtinë të Lidhjes Demokratike të Kosovës për Prishtinën ka marrë një kthesë krejt të papritur, kur zyrtar Borovci përcolli detajet e bisedimeve me Ibrahim Rugovën, i cili vdiq në vitin 2006. Borovci ka thënë se, me një nga shokët vizitoi varrin e Rugovës. Borovci u tha anëtarëve të partisë, se ata kishin informuar Presidentin Rugova për 27-vjetorin e degës së Prishtinës.
‘Presidenti na pyeti se si janë gjërat. Ne e informuam atë për çështje të caktuara’, ka thënë Borovci. Ai shtoi se presidenti ishte shumë e lumtur dhe më tha të mos të ndërpresim marrëdhëniet e mira me amerikanët. Ekspozeja e Borovcit u shoqërua me duartrokitje të stuhishme nga anëtarët e LDK-së”, shkruan ndër të tjera Sputnik. /tesheshi.com/
