“Ne nuk ia dolëm, diferenca mes nesh dhe PS është e madhe, rezultati është atje, tani çdo krim që është bërë të gjitha janë të domosdoshme, por mos të gënjëjme demokratë se do kemi zgjedhje së shpejti”, tha kandidati për kreun e PD-së Fatbardh Kadilli, një ditë pas mbledhjes së Kryesisë demokrate.
Duke folur për Breaking në Top News, ai tha, referuar Bashës: “Unë shpresoj që anëtarësia e PD ti japë leksion Bashës dhe kujtdo që mendon se PD mund të merret peng, zgjedhjet nuk do jenë të drejta se unë kam komunikim vetëm me komunikim me anëtarësinë. Tani vota e tyre do përcaktojë se a do rrimë humbës apo do bëjmë për PD më shumë se kaq”.
Siç tha Kadilli, “Basha të kishte reflektim, dhe ai duhej të shoqërohej me një dorëheqjen të parevokueshme, do ishte ripërtëritje për PD, se nëse ai shkon nga humbja në humbje, dhe partia mbetet në rreth vicioz, e ardhmja nuk premton asgjë më të mirë nëse ai rri kryetar”. /tesheshi.com/
