Ministrja e Integrimit Eurpian, Klajda Gjosha është treguar e ashpër me ministritë përgjegjëse për procesin e integrimit, ndërsa është shprehur e prerë për miratimin sa më të shpejtë të reformës në drejtësi.
Sipas ministres, tashmë puna për integrimin e vendit është më voluminoze.
“Dua t’u tërheq vëmendjen se do të jemi në monitorim mujor. Kjo do të thotë që grupet ndërinstitucioinale të punës duhet të mblidhen çdo tre javë. Këto takime duhet të kryhen, dhe në momentin që ato kryhen bëhet dhe raportimi direkt pranë MIE”,- tha Gjosha.
Ajo shtoi se ka pasur disa ministri që e kanë neglizhuar takimin. Klajda Gjsha i tërhoqi vëmendjen dhe zv. ministrave që duhet të jenë në krye të këtyre mbledhjeve.
“ Nëse mbledhjet drejtohen nga shefat e sektorit, nuk është e njëjta rëndësi. Unë realisht do t’u kërkoja vëmendje më të madhe se vetë vendi po ecën drejt një procesi me përgjegjësi më të madhe, po dhe punë më të shtuar”, ka theksuar ministrja Gjosha gjatë takimit të komitetit të koordinimit për integrimin në BE. /tesheshi.com/
