Në politikën shqiptare nuk ka pasur ndonjë kod etik, moral apo dhe ligjor për ato që thuhen për kundërshtarin politik. Por pas një vendimi të marrë sot nga Gjykata e Lartë duket se politikët do të mnedohen 2 herë para se të shpifin nëpër konferenca për shtyp ose në sallën e Kuvendit.
Gjykata e Lartë ka dënuar sot me 500 mijë lekë gjobë deputetin e PD-së, njëkohësith kryetar i grupit parlametar, Edi Paloka bazuar në padinë e ish-ministrit të Brendshëm, Sajmir Tahiri.
Tahiri e paditi Palokën për shpifje në vitin 2015, pasi ky i fundit e akuzoi në media si të lidhur me krimin dhe me bandat kriminale në vend. Paloka e akuzoi drejtpërsëdrejti ministrin e Brendshëm për lidhje me trafikantët që qëndronin pas një fabrike kokaine. Padia e Tahirit kërkonte që pala akuzuese të sillte prova për të bazuar këtë akuzë, gjë që nuk ndodhi deri në vendimin e sotëm ku fajtor u shpall Paloka.
Pavarësisht vendimit të Gjykatës së Lartë Paloka ka reaguar sot duke akuzuar gjykatën se e ka marrë vendimin nën presion.
“Qeveria Rama tregohet me gisht nga të huajt, Saimir Tahiri autor i kanabizimit të Shqipërisë. Vendimi i Gjykatës është marrë nën presion nga bosi e Tahirit” thuhet në reagimin e Palokës.
Paloka është shpallur dhe më parë fajtor për shpifje nga kjo gjykatë i paditur nga kryeministri Rama./tesheshi.com/
