Pesëmbëdhjetë persona u vranë në sulmin e një personi të armatosur në Universitetin Charles në qendër të Pragës, thanë shërbimet e urgjencës.
Mes të vrarëve është edhe autori i sulmit, i cili sipas raportimeve ka qëlluar veten kur në vendngjarje kanë mbërritur makinat e policisë.
Sulmuesi mësohet të jetë studenti 24-vjeçar David Kozak.
Në përpjekje për t’i shpëtuar të shtënave me armë, disa studentë dolën nga dritaret dhe u ulën në parvaz, por njëra nga vajzat nuk mundi të mbahej dhe ra, duke u bërë viktima e katërt e sulmit, raportojnë mediat lokale.
Gjithashtu, më shumë se 30 persona kanë mbetur të plagosur, 9 prej tyre në gjendje të rëndë, sipas shërbimeve të shpëtimit.
“Unë gjithmonë kam dashur të vras”
Në një mesazh që ka qarkulluar në mediat çeke, thuhet se sulmuesi ka bërë të ditur sulmin ndaj një institucioni arsimor. “Dua të sulmoj një shkollë dhe ndoshta të vras veten. Alina Afanaskina më ndihmoi. Gjithmonë kam dashur të vras, kam menduar se në të ardhmen do të bëhem maniak”, dyshohet se ka shkruar ai ndër të tjera.
Vihet re se Alina për të cilën ajo referohet është sulmuesi 14-vjeçar i cili më 7 dhjetor 2023 sulmoi dhe qëlloi në një shkollë në Bryansk të Rusisë, ku dy nxënës u vranë dhe 5 të tjerë u plagosën përpara se personi i armatosur të vriste veten.
Presidenti çek Petr Pavel tha se ishte “tronditur” nga sulmi i të armatosur në Universitetin Charles në Pragë, i cili la disa të vdekur, përfshirë sulmuesin dhe dhjetëra të plagosur.
“Jam i tronditur nga këto ngjarje… Unë do të doja të shpreh trishtimin tim të thellë dhe ngushëllimet e sinqerta për familjet dhe të dashurit e viktimave të të shtënave,” tha Pavel, i cili po përfundon një vizitë dy-ditore në Paris. /tesheshi.com/
