Volodymyr Zelensky, një komik 41-vjeçar dhe i papërvojë në politikë, u zgjodh të dielën si president i Ukrainës, duke bërë që banorët e vendeve post-sovjetike të besojnë se “gjithçka është e mundur”.
Menjëherë pas fitores, vërshuan telefonatat dhe urimet për presidentin. Udhëheqësit e Shteteve të Bashkuara, Bashkimi Evropian, Gjermania dhe Franca i telefonuan Zelenskiit, për t’ua shprehur urimet e tyre.
Por ftesat kryesore vijnë nga “të përbashkëtit”.
Kryeministri izraelit Benjamin Netanyahu e ftoi presidentin e sapozgjedhur të Ukrainës, Volodimir Zelensky, që t’a vizitojë Izraelin. Netanjahu e përgëzoi atë për fitoren e tij, duke shpresuar vazhdimin e marrëdhënieve të mira midis vendeve dy vendeve.
Megjithatë, ftesa nuk është e rastësishme.
Zelensky vet është një hebre, ndonëse përkatësia e tij asnjëherë nuk ka qenë objekt i fushatës politike as nga vet ai e as nga kundërshtarët e tij politikë.
Dhe Zelensky nuk është i vetmi hebre në qeverisje.
Kur ai të betohet si president, kryeministri i tij do të jetë Volodymyr Groysman, një politikan hebre që ishte kryetari i bashkisë së Vinnytsia.
Ukraina dhe Izraeli kanë pasur marëdhënie të acaruara për një kohë, pasi Kievi zyrtar votoi në favor të një rezolute të OKB-së kundër vendbanimeve ilegale hebreje në territoret e pushtuara palestineze. Megjithatë, me ardhjen e një “përfaqësuesi”, raportet pritet të ç’tensionohen. /tesheshi.com/
