Më pak se një muaj pasi “Albiceleste” u kurorëzuan kampionë bote, Federata Botërore dhe më konkretisht komiteti i saj disiplinor nisi një proces për të hetuar nëse duhet të vendoset ndonjë dënim për anëtarët e përfaqësueses argjentinas për një sërë shkeljesh të ndodhura gjatë finales së 18 dhjetorit kundër Francës.
Pas festimeve, federata franceze u ankua për disa gjeste të futbollistëve argjentinas që u shfaqën për të tallur Kylian Mbappe, plus një sharje nga portiere Martinez në dhomën e zhveshjes, ku ai u bëri thirrje shokëve të tij të mbanin një minutë heshtje për tre golat e superyllit francez.
Sigurisht, ndër aktet më të pahijshme, ishte ai i Martinesit kur mori çmimin për portierin më të mirë të turneut, në një imazh që u bë virale si për shkak të gjestit, ashtu edhe për vështrimin e një personaliteti të Katarit pas tij.
Dhe pikëpyetja më e madhe është pikërisht për këtë skenë, nëse do ndëshkohet apo jo autori i saj. /tesheshi.com/
