Cristiano Ronaldo ofendoi sauditët, po përgatitet kallëzim penal, kërkojnë arrestim dhe dëbim!
Gazetari Ozman Abu Bakr tha se Federata duhet të ndërpresë menjëherë kontratën e Ronaldos.
Një gjest vulgar, të cilin ai nuk e bëri për herë të parë në karrierën e tij, por që nuk ka marrë kurrë vëmendjen e mediave si tani, mund t’i kushtojë Cristiano Ronaldos angazhimin e tij në Arabinë Saudite.
https://twitter.com/i/status/1755707157792624771
Kapja e organit gjenital pas një debati me tifozët, të cilët i brohorisnin “Messi, Messi” në ndeshjen kundër Hilalit, ofendoi thellësisht sauditët. Dhjetëra prej tyre dolën në mediat sociale të mërkurën për t’iu bashkuar thirrjeve për deportimin e portugezit 38-vjeçar.
Çështja shkoi aq larg sa avokatja Nouf bint Ahmed njoftoi në Twitter se do të paraqiste një kallëzim penal në Prokurorinë Publike Saudite.
Në të, njoftoi ajo, Ronaldo do të denoncohet për një krim me paturpësi publike, që në rastin e shtetasve të huaj dënohet me arrestim dhe dëbim.
“Unë nuk e ndjek sportin. Edhe nëse tifozët provokuan Ronaldon, ai nuk reagoi mirë. Sjellja e tij është krim. Do të bëjmë kallëzim në prokurori”, tha Bint Ahmed.
Por komentatori televiziv Mohamed al Anzi doli në mbrojtje të lojtarit, duke pretenduar se ai i kapi organet gjenitale pasi pësoi një goditje të rëndë gjatë lojës, por duket se publiku nuk e ka besuar aspak këtë version të gjestit.
Gazetari Ozman Abu Bakr e quajti veprimin e tij një gjest të pamoralshëm dhe të pahijshëm dhe tha se Federata e Futbollit të Arabisë Saudite duhet të ndërpresë menjëherë kontratën.
Lëvizja e Ronaldos u diskutua me orë të tëra mbrëmë në Action ya Dawra, emisioni sportiv më i njohur në vend. /tesheshi.com/
