Instituti i Shëndetit Publik në Gjermani ka lëshuar një alarm, sipas të cilit ambjenti po popullohet gjithnjë e më shumë nga bakteret e rrezikshme që janë rezistentë ndaj antibiotikëve.
Për këtë fenomen ka prodhuar një dokumentar edhe televizioni NDR dhe një shkrim të posaçëm agjencia e lajmeve DPA.
Janë marrë kampionë nga ujrat e 12 liqeneve dhe lumenjve në landin e Saksonisë së Poshtme dhe rezultanti ka qenë shokues.
“Nuk i gjen gjë këtyre baktereve nga asnjë antibiotik. Ata tallen me reagentët. Çdo gjë duket si më parë, madje bëhen më të egër dhe më të fortë”, tha Tim Eckmanns, i Institutit Robert Koch, më i miri në Gjermani.
Ndërkaq, ndërsa kërkimet janë kryer në Perëndim, edhe në Lindje të Gjermanisë duket se kanë dalë rezultate të ngjashme.
Thomas Berendonk nga Instituti i Drezdenit në Gjermaninë Lindore, thekson se në ujrat e kontrolluara ka gjetur të njëjtën gjë: baktere rezistente, të rrezikshme, gati për të sulmuar. /tesheshi.com/
