Rreth 40 përqind e gjermanëve nuk do të jepnin me qira një apartament për një të huaj dhe 30 përqind nuk do të donin të huaj për një fqinj, sipas një sondazhi të lëshuar nga Zyra e Anti-diskriminimit të Qeverisë gjermane,.
“Shpesh, një mbiemër që tingëllon i huaj, bëhet shkak që mos jepet një apartament me qera. Shto dhe reklamat raciste të apartamenteve, që për fat të keq, janë akoma një praktikë e zakonshme”, tha Bernhard Franke, kreu i zyrës.
Ai kërkoi ndalim ligjor për reklama të tilla, siç ishte rasti me reklamat e punës, dhe rekomandoi që të prekurit të paditen.
Sipas të njëjtit studim, më shumë se gjysma e të anketuarve nuk do të jepnin një dhomë me qira në apartamentin e tyre për emigrantët.
Kur kërkuan për një apartament, 35 përqind e njerëzve me prejardhje emigrante, jo vetëm ata të ardhur së voni por edhe për njerëz që jetojnë në Gjermani si gjeneratë të dytë, u përballën me diskriminimin.
Në fund të vitit të kaluar, një qiradhënës u dënua të paguante kompensim për një qiramarrës të mundshëm, një emigrant nga Afrika, sepse në reklamë thuhej se apartamenti jepen me qira te “vetëm gjermanët”.
Sondazhi i fundit tregon një vazhdim të një trendi të ngjashëm që ka qenë i pranishëm në vend dhe ë parë.
Në 2017, Der Spiegel Weekly dhe Shërbimi Publik BR kryen një studim që tregoi diskriminim të konsiderueshëm ndaj të huajve në tregun e pasurive të patundshme.
Njerëzit me mbiemra arabë dhe turq janë më të prekurit zakonisht, veçanërisht në qytetet e mëdha, si Mynihu dhe Frankfurti.
Ndodh kjo ndërsa Gjermania e trajton si emergjencë kombëtare ccështjen e ardhur së fuqisë punëtore të huaj, gjë që i mundëdon vijim të potencës ekonomike. /tesheshi.com/
