Avokati i kryebashiakut të Himarës, Jorgo Goro, e ka apeluar vendimin administrativ të ministrit të Brendshëm greg, Aleksis Toskas për t’i hequr shtetësinë, në një gjykatë të Athinës.
Siç mësohet, është gjykata ajo që ka të drejtën për të dhënë vendimin e formës së prerë për këtë çështje, aq më shumë që Greqia është vend i Bashkimit Europian dhe duhet që përveç ligjeve të saj t’i nënshtrohet edhe ligjeve të BE-së.
Ministri i Brendshëm grek i hoqi shtetësinë Gjergji (Jorgo) Goros, si një inkurajim i qarqeve ekstremiste greke në Himarë, të cilët vetëm dy ditë më parë shkruan në muret e qytetit se “Himara është Greqi”.
Ndërkaq, kreu i PBDNJ-së së Himarës, Fred Berberi, në një intervistë për Top Channel akuzoi Goron se po ndryshon strukturën etnike të Himarës, duke sjellë në qytet banorë nga zona përreth tij dhe duke vënë në minorancë popullsinë greke.
Për herë të parë një politikan i PBDNJ-së nuk thotë se ka banorë dygjuhësh në Himarë por etnikë grekë. /tesheshi.com/
