Qytetarët e Gjeorgjisë do të mund të udhëtojnë që prej sot nëpër Europë pa viza. Rregulli për ta ka nisur nga kjo e martë, mjafton që ata të kenë një pasaportë biometrike.
Në një udhëtim simbolik me këtë rast, kryeministri i vendit, Giorgi Kvirikashvili, së bashkur me një numër ministrash të kabinetit të tij, me studentë e gazetarë, kanë fluturuar drejt Athinës, për ta vijuar rrugëtimin për në Bruksel.
Ai e quajtur sukses të madh nisjen e zbatimit të udhëtimit pa viza, si dhe ka nënvizuar se objektivi përfundimtar i Gjeorgjisë është integrimi i plotë në BE.
Ashtu si dhe për qytetarët e vendeve të tjera, gjeorgjianët do të mund të udhëtojnë e të qëndrojnë për 90 ditë nëpër territorin e vendeve të BE-së për turizëm, për biznes apo për për vizita familjare.
Të përfshira mes vendeve ku mund të udhëtojnë gjeorgjianët pa viza janë dhe Islanda, Lihtenshtajni, Norvegjia dhe Zvicra, njofton Anadolu Agency, por në listë nuk përfshihen Mbretëria e Bashkuar dhe Irlanda. /tesheshi.com/
