Ndërsa ceremonia e Olimpiadës Verore 2020 në Tokio pritet të mbahet fiks tash një vit, medaljet janë një gjë që organizatorët i kanë përgatitur me kohë.
Dhe sa për sqarim, ato nuk janë medalje dosido. Më shumë se 80,000 tonë të telefonave celularë dhe pajisjeve të vogla elektronike janë mbledhur rreth e rreth Japonisë, vetëm për të hartuar çdo medaljeje ari, argjendi dhe bronzi për sportistët që do të shkëlqejnë në ndeshjet e vitit të ardhshëm.
Sipas llogaritjeve do të ketë rreth 5,000 medalje të dhëna në Tokio 2020, ku do të marrin pjesë atletë dhe sportistë nga e gjithë bota.
Medaljet e veçanta vunë në pah përkushtimin e japonezëve për të ripërdorur gjërat, pasi 6 milionë telefona mobil janë grumbulluar që nga nisja e projektit.
Si rezultat i dy viteve të donacioneve, Tokyo 2020 njoftoi se 100% e metaleve të përdorura për të bërë medalje do të nxirren nga materialet e gjetura në elektronikë dhe telefona.
Pothuajse 158 milionë paund elektronikë të dhuruar u reduktuan në rreth 71 kilogramë ari, 7,700 paund argjendi dhe 4,850 paund prej bronzi.
Pas një procesi të çmontimit, nxjerrjes dhe përpunimit, metalet do të futen në dizajnin specifik tw projektuesit të medaljes olimpike Junichi Kawanishi, të cilit iu dha mundësi për dizajn pasi fitoi një konkurs ku kishte 400 kundër-kandidatë.
Japonia llogaritet të jetë prej vendeve më të vëmendshme jo vetëm ndaj ndryshimeve mjedisore, por edhe për shkak të konceptit të minimalizmit që shumëkush në Japoni e ka përqafuar.
Riciklimi konceptohet si një ndër mënyrat më të mira për zvogëlimin e dëmeve mjedisore, të cilat janë të pashmangshme me rastin e prodhimit të gjerave për së pari. /tesheshi.com/
