Kreu i ushtrisë britanike, gjenerali Patrick Sanders, tha se “ushtarët britanikë duhet të përgatiten për luftën në Evropë”.
“Tani kemi imperativin për të krijuar një ushtri që është e gatshme të luftojë krah për krah me aleatët tanë dhe të mposhtim Rusinë në betejë,” tha gjenerali Sanders.
“Ne jemi një brez që duhet të përgatisim ushtrinë për të luftuar edhe një herë në Evropë,” shtoi ai.
Sanders thotë se ai së fundmi u bë “shefi i parë i shtabit që nga viti 1941 që mori komandën e ushtrisë nën hijen e një lufte tokësore në Evropë që përfshin një superfuqi kontinentale”.
“Invazioni rus ndaj Ukrainës nënvizon qëllimin tonë bazë – të mbrojmë Mbretërinë e Bashkuar dhe të jemi gati për të luftuar dhe për të fituar luftën tokësore”, shtoi ai.
Komentet e tij erdhën menjëherë pasi kryeministri britanik paralajmëroi bashkatdhetarët e tij se “ata duhet të përgatiten për një luftë të gjatë”, pasi presidenti rus Putin iu drejtua një strategjie lufte duke rraskapitur Ukrainën. /tesheshi.com/
